Ikkje optimal fart

På 3000-meteren seint fredag kveld var det ein flott opningsfart, men på andre tusenmeteren vart det drege for sakte i front. Dette gjorde at passeringstida på 2000m var såpass svak som 6.12. Siste 1000m gikk unna på sterke 2.54, så med jamnare tempo kunne tida lett ha nærma seg den magiske 9-blank-grensa.

Stengd i siste sving

Heile 21 løparar fordelt på to heat deltok på 800m. Første heat hadde ei vinnartid kring 2-blank, og i heat nummer to var det difor godt tempo frå start. Sander sprang offensivt, men blei litt stengd inne ved lista gjennom siste sving. Ei tid på 1-58-talet gikk difor "fyken" nett der...