| Sponsorar
|
Spar Aurland
Coop Marked Flåm
Aurland Elektriske
Br. Sønnerheim
|
|
|
|
|
|
To fotballkampar på bana tysdag 15. mai (13.05.2012)
 Tysdag 15. mai er det to kampar på stadion. Først spelar jenter 11 mot Lærdal kl. 18:00. Deretter er det klart for kamp for Gutar 13/14 mot Syril. Denne kampen startar kl. 19:00. Møt opp og støtt laga denne tysdagen!
Les meir...
|
Toppa klassen i Storehaugen Opp (12.05.2012)
.jpg) Olav Terum vann klasse 50-54 år i Storehaugen Opp laurdag 12. mai. Løpet var den første konkurransen i Norgescupen, og tida blei 41.03 til den 908 meter høge toppen over Lærdal sentrum. Også Terje Terum og Jostein Fjøsne deltok i konkurranseklassen, og i tillegg var det ein del andre spreke aurlendingar som var med i turklassen. Tidene til Terje og Jostein blei 52.37 og 1.00.29. Sjå meir informasjon på kondis.no.
Les meir...
|
4,44 meter i lengdegropa (05.05.2012)
.JPG) Kristiane Sekkingstad Terum betra persen sin med heile 35 cm, og blei nr. 2 i lengdekonkurransen i Hovdingleikane i Åsane med gode 4,44 m i helga. Ho vann dessutan 60 meter på solide 8.69 i litt for mykje medvind, og var heilt suveren på 600 meter med tida 1.50.7 i klasse J-12. Også Sander Sekkingstad Terum deltok på stemnet, og sprang sin nest beste 600 meter nokon gong i snøbyene på Leikvang stadion. Han fekk tida 1.23.28, og vart dagens einar på distansen. Sjå reportasje på kondis.no.
Les meir...
|
Over 4 meter i lengde (05.05.2012)
.JPG) Jennifer Mjøs slo til med 4,11m i lengde under Hovdingleikane i Åsane på laurdag, og hoppa seg rett inn i noregtoppen i klasse 11 år med det flotte resultatet. Superspranget heldt til 1. plass, og det gjorde også 60m-løpet på 9.36, der jenta frå Aurland vann med fattige 2 hundredelar. Det var berre uflaks, for Jennifer tok feil av målstreken, og slakka av etter 40 meter. Så var det full gass att, og deretter først i mål!
Les meir...
|
Minputt-turnering i Lærdal søndag 6. mai (05.05.2012)
 Då er det klart for årets første miniputt-turnering. Den vert arrangert i Lærdal søndag 6. mai. Kampane startar kl. 11:00. Nytt for året er at 6. åringane også er med. Dei minste ser i spenning fram til at moroa startar.
Les meir...
|
Sekundstrid i Stalheimskleiva (01.05.2012)
 Torkil Sekkingstad Terum og Olav Terum deltok i konkurranseklassen i Stalheimskleiva Opp 1. mai. Torkil drog det lengste strået i familieoppgjeret, og slo Olav på målstreken etter å ha lege hakk i hel gjennom heile løpet. Torkil fekk tida 11.02, og blei nummer fem i klasse 20-35 år. Olav kom sekundet bak, og sette ny pers med 11.03. Han vann klasse 50-54 år. Også Magnar Dalen, Arvid Gilje og Venke Sjursen tok trimturen opp Stalheimskleiva denne flott maidagen. Sjå biletreportasje på kondis.no.
Les meir...
|
Dobbel dobbeltsiger (29.04.2012)
.JPG) Jennifer Mjøs debuterte i friidrett med å vinna suverent både 80m og 200m i klasse J-11 i Fanalekene i helga. Tidene blei gode 12.09 og 30.37. Også Kristiane Sekkingstad Terum vann dei same distansane i J-12, og sette ny pers på 80 m med 11.67. På 200 m blei tida 29.67 i motvinden på Fana stadion.
Les meir...
|
Friidrettstrening måndagar (22.04.2012)
 Det er no sett i gang friidrettstrening for barn og ungdom frå 5. klasse og oppover. Treninga er måndagar frå klokka 18.00 - 19.00. Det vert lagt hovudvekt på løps-, koordinasjons- og sprinttrening, men det blir også litt hopp og kast. Dei som har lyst får høve til å delta på stemne.
Les meir...
|
Fekk heiderspris på tinget (20.04.2012)
.JPG) Sander Sekkingstad Terum fekk torsdag tildelt Friidrettens venner sin heiderspris på tinget til Sogn og Fjordane friidrettskrins. Utmerkinga fekk han for å ha oppnådd fylket sitt beste resultat for gutar 18 år i sesongen 2011, uavhengig av øving. Sander fekk utmerkinga for 2000 m hinder, der han oppnådde 1051 poeng på Tyrvingtabellen med tida 6.02. På tinget vart også Olav Terum valt inn som styremedlem i krinsen.
Les meir...
|
Klatregruppa tek sommarferie (19.04.2012)
Barneklatringa tok sommarferie fredag 13.april. Onsdagsgjengen held på ut månaden.
Takk for ein flott sesong, med utruleg bra oppmøte! Heile 68 aktive klatrarar i veggen dette året! Ynskjer både nye og gamle hjarteleg velkommen tilbake til hausten! God sommar.
Les meir...
|
Fleire saker i arkivet
|
|
|
|
|